एमालेलाई चुनावमा ७५ प्रतिशत : ओली..

भिडियो हेर्न माथिको बक्समा क्लिक गर्नुहोस 


साउन, दाङ । नेकपा एमालेका नेता केपी शर्मा ओलीले मंसिर ४ मा हुने निर्वाचनमा आफ्नो पार्टीले ७५ प्रतिशत जनताको समर्थन पाउने दावी गर्नु भएको छ । ओलीले क्रान्तिका कुरा गर्ने एमाओवादी खहरे भेल जस्तै सुकेर गएको र काँग्रेस यथास्थितिवाट माथि उठ्न नसकेकाले अबको चुनावमा एमालेले ७५ प्रतिशत जनताको समर्थन पाउने दावी गर्नु भएको हो ।

अनेरास्ववियूको जारी बिधान सम्मेलनलाई आइतवार दाङको घोराहीमा सम्बोधन गर्दै नेता ओलीले राष्ट्रिय राजनीतिलाई सहिरुपमा अगाडि बढाउन मंसिर ४ मा चुनाव गर्नुको विकल्प नरहेको वताउनुभयो । उहाँले ०६२/६३ को जनआन्दोलनवाट प्राप्त उपलब्धीलाई संस्थागत गर्न निर्बाचन अपरिहार्य भएको बताउनुभयो । संबिधानसभाबाट कानुन बनेमात्रै सबैको हक अधिकार र उपलब्धीलाई बचाएर राख्न सकिने भन्दै नेता ओलीले चुनावको बिपक्षमा रहेका दलहरुलाई पनि पूनर्विचार गर्न आग्रह गर्नुभयो ।
ओलीले मोहन वैद्य नेतृत्वको नेकपा-माओबादीले थालेको चुनाव बहिस्कारले देशको बिकास र निकास नहुने जिकिर गर्नुभयो । चुनाव भाड्नु भनेको नागरिकहरुबाट एक्लिनु भएको टिप्पणी गर्दै ओलीले समयमै देश र जनताको बिचार बुझ्न आग्रह गर्नुभयो ।
अनलाइन खबर बाट