कान्छी श्रीमतीकै बिषेस योजनामा श्रीमानको हत्या..

भिडियो हेर्न माथिको बक्समा क्लिक गर्नुहोस 

सिरहा, – सिरहाको रामनगरमा साउन २ गते हत्या गरिएका व्यापारी गुरुशरण साहको हत्यामा उनकै कान्छी श्रीमती संलग्न रहेको खुलेको छ ।

कान्छी श्रीमती चन्दरदेवी र व्यवसायिक साझेदार सतदेव यादवको योजनामा हत्यारा प्रयोग गरी साहको हत्या गरेको खुलेको प्रहरीले बुधबार जानकारी दिएको हो ।
उनीहरुले २ लाख रुपैयाँ दिएर ब्यवसायिक हत्यारा मार्फत साहको हत्या गरेको प्रहरी अनुसन्धानपछि खुलेको सिराहाका प्रहरी उपरीक्षक पूर्णचन्द्र जोशीले जानकारी दिनुभयो । चन्दरदेवी र गरुशरणका ब्यापारिक साझेदार यादववीच अनैतिक सम्बन्ध रहेको साहले थाहा पाएपछि २ जनाले हत्यारालाई पैसा दिएर साहको हत्या गरेको खुलेको प्रहरीले बताएको छ ।
यादव रोजगारका लागि एक महिनाअघि नै साउदी अरब गएका छन् । दुई÷तीन महिना अघिदेखिनै चन्दरदेवी र यादवले हत्याको योजना बनाएको प्रहरीको भनाई छ । विदेशमै रहेका यादवसँग टेलिफोन सम्पर्कबाट हत्या योजना बनेको हो ।
उनीहरुले सिरहाकै सीतापुर गाविसका दुई जनालाई दुई लाखमध्ये २५ हजार रुपैयाँ दिएर चरनदेवीले श्रीमानको हत्या गराएको प्रहरी उपरीक्षक जोशीले उल्लेख गर्नुभयो । उहाँले दुईजना फरार अभियुक्तको पहिचान खुलिसकेकाले छिट्टै पक्राउ गर्ने बताउनुभयो ।